(Part 1)
Man ich fühle mich so leer, ganz tüf in mir drinn
Ich weiss nüme wer ich bin und ha s’Gfühl das ich spinn
Will garnüt mir grad glingt und mis Füür fascht erlischt
Merk ich immer meh wie das Gfühl mich id Tüfene zwingt

Han zwar glehrt demit umgah über die Jahre
Han mich sälber nur verarscht mit belüge und warte
Ich bin agmacht a de Kette doch ich risse immer fester
Vo Tag zu Tag wirds besser man ich mues mich wieder rette

Ja ich weiss wie du dich fühlsch, wenn du jede morge ufstahsch
Din Plan wieder einisch drufgaht din Kopf sich sperrt und denn zuemacht
Ich weiss wie dich fühlsch, wenn dich wiedermal die Wuet packt
Adrenalin flüsst durch d’Bluetbahn
Du kämpfsch und keine seit «guet gmacht»

Mir struggled täglich ume mit eusne Gedanke
Z’viel Sache wänd eus d’Kraft neh
Sie hoffed s’gaht abwärts
Doch im Endeffekt sind mer denn die wo’s schlussendlich schaffed
Eus entfaltet, sie fernhaltet, denn läbed und lached.

(Hook)
Momentan liehsch du am Bode, zerstört wie no nie
Doch du hesch de Kämpfer in dir drum ghörsch du das Lied
Und egal wie oft das Liecht i dir no usgaht
Irgendwenn chunt de Momänt wo dich wieder ufrafsch

Au egal was du so ghörsch und was höt passiert
Ich weiss du kämpfsch wie gstört und du hesch dir sGlück verdient
Also stah jetz’ uf, verfolg de Wäg zum Thron
Nei du besch ned nüt, ghörsch zur Kämpfernation

(Part 2)
LBS, villicht werde mir euch irgendwenn Shows geh
Dope wärs, step by step we believe in the process
So gern würd ich mich wiedermal sälber erkänne
Doch es hilft mir ned wenn ich mich nur belächle und flämme

Ich mues eifach mol begriffe dass das Lebe schnell verbie sii chan
Und ich jede Tag mues nutze ich schwöre ich bliibe dra
Musig mini Therapie und deswege schriib ich grad
En Text wo mini Seele reinigt, du ghörsch es de Ziile ah

Vom Warte benäblet, bin vo lüge krass bländet
Man mir wird scho nome schlecht wenn ich nor a das dänke
Ja ich weiss wo das ändet
Man du bisch unbesiegbar, so nöch a dim Ziel dra, also gib jetz’ viel Gas

Glaub mir du besch ned de einzig uf dere Wält
Wo jede Tag mit de gliiche Struggles umekämpft
Lebsch im Traum drinn
Also setz’ jetz alles uf’s Spiel, bliib dir treu und bliib real ufem Weg zo dim Ziel

(Hook 2x)
Momentan liehsch du am Bode, zerstört wie no nie
Doch du hesch de Kämpfer in dir drum ghörsch du das Lied
Und egal wie oft das Liecht i dir no usgaht
Irgendwenn chunt de Momänt wo dich wieder ufrafsch

Au egal was du so ghörsch und was höt passiert
Ich weiss du kämpfsch wie gstört und du hesch dir sGlück verdient
Also stah jetz’ uf, verfolg de Wäg zum Thron
Nei du besch ned nüt, ghörsch zur Kämpfernation